Mundu guztia igandekoari begira dagoen honetan, eta urte guztian itsasorik ikusten ez dutenak ere arraun "aditu" bihurtzen diren honetan, arrauna beste euskal herri kirol batekin konparatu nahi dut: aizkolaritzarekin. Nik hemen esandakoen ondoren, espero dut jendeka pagoa eta itsasoa elkarren ondoan ikustea...

Asteburuan Orion nahiz Castron gertatutakoa ikusi ondoren, begi eta erloju guztiak ostegunera begira daude. Logikak hainbat gauza ziurtzat jotzen ditu, baina historiak erakusten du ziurrak gauza gutxi direla Kontxako badian.

Egia da aipatzeko eta goraipatzeko modukoak direla emakumeen arraunaren garapenerako azken hilabeteetan eman diren aurrerapausoak: Gipuzkoako txapelketa, Euskadiko txapelketa, emakumezkoen Lehen Kontxako Banderaren aurkezpena... Zorionak emakume, gizonezko, arraunzale eta ez zale guztiei!