Aldundiko kirol saileko teknikarien irudiz, kostako herri eta arraun elkarteak dituzten herrietan bakarrik egin behar izaten zen arraunaren ezagutzako ikastaroak. Haien ustetan, dirua botatzea zen kostakoak ez ziren herrietan arrauna irakastea. Inbertitzekotan, hobe zela kostako herrietan inbertitzea barnekaldekoetan baino. Eta ni, azken afirmazio honekin ados egon ninteke. Alegia, nonbaiten dirua gastatzekotan hobe dela bertan gastatu. Baina barnekaldekoei gure kirolaren ezagutza galeraztea ez nuen onartzen. Barnekaldeko arraunlaririk ezin badu egon, nola liteke Ibarrako bat Velan ibiltzea?

Tolosaldeko arraun taldearen inguruan hitz egiten genuenean, (egia da elkarte honen hastapenak zirela), batzuek "ocio" kiroltzat konsideratzen zuten Tolosan egiten zena. Eta dirua nonbait inbertitu behar bazen, goi mailako taldeetan inbertitu behar zela... noski, Tolosan ez... Tolosak goi mailatik ezer badu, itsas mailatik nahiko gora dagoen taldea dela baina ez besterik haien irudikoz!

Azken urteotan, oker ez banago, Tolosako arraun taldea da Gipuzkoan arraunlari gehien dituen taldea, fitxa kopuru aldetik behintzat! Eta horrekin gutxi ez, eta Euskadiko batel txapelketan Gipuzkoako izena goren eraman duen taldea izan da. Bandera gehien lortu dituen taldea.

Egia da, Tolosan batelak direla oinarri (San Juanetan antolatzen duten arraun festa izan da kluba sortzearen arrazoietako bat)(bidenabar, San Juanetako hori arraun festa eder bat da, oraindik beste inon ikusi ez dudana..), nahiz eta aurreko urtean Trainerutan ibili bertako neskak! baina egia da, Tolosarren entrenamendura baldintzak ez direla goi mailako arrauna egiteko modukoa!

Izugarri poztu nintzen Tolosarrekin eta hemendik nire zorionak bi arrazoiengatik. Emaitzengatik, nola ez;  baina batipat, aho dexente mututu zituztelako! "Ocio"ko arrauna izateko ondo xamar dabiltza ez?