Barandilatik http://estropa.net/Members/unaielizasu/unai-elizasuren-bloga Barandilatik RSS 1.0 feed. daily 1 Barandilatik http://estropa.net/Members/unaielizasu/unai-elizasuren-bloga http://estropa.net/logo.png Bukatu dadila behingoz!! http://estropa.net/Members/unaielizasu/unai-elizasuren-bloga/archive/2010/06/09/bukatu-dadila-behingoz <p>Ederra joan da aurtengo batel denboraldia.... ederra benetan!!</p> <p>Ederra joan da aurtengo trainerilletako denboraldia... ederra biziki!!</p> <p>Ederra joan da aurtengo aulki mugikorreko denboraldia ... izugarria izan da!!</p> <p>baina....</p> zergatik bukatu dira denboraldi horiek? Zergatik daude infantilak ta kadeteak estropadarik ezin jokatu ezinik (aulki mugikorra egiten dutenak, Tolosako San Juanetarako prestatzen ari direnak, eta herriko festaren batean egingo den estropada bat salbu...).

Trainerillak berriz... Tourreko aldaparik gabeko 220 km.tako etapa bat bezela sentitu ditut... aspertu naute, jende gehiegi, ia denak egongo ez balira bezela ibili dira... eta komunikabideetan berriz, arraun elkarteen ontzien babesle exkasiari buelta emateko ezinbestekoak diren komunikabideetan, apenas agertu da ezer. (non ligako estropada baten berri, tiro al plato lehiaketa batek beste karaktere bete ditu orrietan)

eta orain, hiru hilabeteetan topera! eta denak horri begira... pena dut, urte osoa zergatik ez ote garen horri begiratzen egoten... hainbesteko indarra, jarraipena, mugiendua badu udan, ez ote du urtean izango? matematika kontua da, baina 3 hilabeteetan X indarra badu, 6 hilabeteetan eginda 2X indarra izango du ezta?

Desiatzen nago noiz iritsiko den eguna, non traineru ligako lau estropada izango ditugun martxoan, beste lau apirilean, beste hainbeste maiatzean, ekainean batenbat gehiago, uztailean 7...

eta hori martxan den bitartean, batelak eta trainerillak bakoitzak bere bidea egin dezala.

Uda hasi da, eta nola bukatuko den ez dakit! Irailean bukatuko dela badakit baina!!

]]> 2010-06-09T15:34:25+02:00 2010-06-17T22:53:32+02:00 Unai Elizasu Estropadak zuzenean!! http://estropa.net/Members/unaielizasu/unai-elizasuren-bloga/archive/2010/03/20/estropadak-zuzenean <p>Bua.. a ze poza!! Bestelako kultur, kirol... esparruetan, internetaren erabilera areagotzen ari zen, baina arrauna, sarri iruditu izan zait atzeratu xamar gaudela. Gaur a ze sorpresa. Astilleroko estropada zuzenean ikusteko aukera eskaini du Oriok. Gune honetan: <a class="external-link" href="http://www.ustream.tv/channel/orio-ae">http://www.ustream.tv/channel/orio-ae</a>&nbsp;. Egia da, kalitatea ez dala izugarri ona... baina internetak ere ez du aukera askorik ematen, eta arrauna, eremu zabalean egiten den kirola izanik, zailagoa da oso.</p> <p>Orioko arraun elkartekoei, nire zorionik beroena eta bejondeiela! Arrauna, esparru berrietara zabaltzeko egindako ahaleginagatik!! Ez dut gogoan, halakorik egin izan danik sekula arraunean eta hemen. Hemen ere,aintzidariak! (Eta inork ez beza pentsa, diruarekin egiten dela hau... edozeinek egin dezakeen kontua da, borondatea eta gogoa izatea besterik ez da behar, doakoa dalako hau egitea!)</p> 2010-03-20T18:57:56+01:00 2010-03-23T22:06:35+01:00 Unai Elizasu Ama, aita.. http://estropa.net/Members/unaielizasu/unai-elizasuren-bloga/archive/2010/03/13/ama-aita <p>hona hemen, zientzia fikziozko elkarrizketa bat infantil edo kadete mailako arraunlari bat eta bere gurasoen artean.</p> <p>&nbsp;</p> (arraunlaria): Ama, ama... entrenatzaileak galdetu digu ea aste santuan oporreratara joan behar ote dugun?

(aita/ama): Noski Mikel, urtero bezela. Zure lehengusu Juan eta Vanesa bisitatzea joan behar dugu Salamancara!

(aita/ama): zergatik galdetu duzu, Mikel?

(arraunlaria): Entrenatzaileak esan digu, aste santuko bigarren astean gipuzkoako batel txapelketa dugula?

(aita/ama): Baina Mikel, ikastolan, bi aste dituzu jai, ezta?

(Arraunlaria): Bai

(aita/ama): Zer da lehen asteburuan edo bigarrenean?

(arraunlaria): Bigarren asteburuan da, baina aste santuan ere entrenatu behar dugula uste dut!

(aita/ama): Zer nahi duzu orduan? oporrik gabe geratuko gara? urte osoa lanean eman dugu eta oporretara joan gabe ez gara geratuko! Aste santua eta gero, hemen egongo gara eta orduan jokatuko dituzu estropadak!

(arraunlaria): baina.... baina... gipuzkoako txapelketaren ondoren, euskadikoa dator eta bukatu dira estropadak! Bukatu da denboraldia!

(aita/ama): Lasai Mikel... zu oporretara etorriko zara gurekin. Denboraldia bukatzean, hasiko zara pelotan bizilagunarekin. Herriko festetako txapelketan parte hartu eta ondo pasatuko duzu.

(arraunlaria): Baina aita/ama, niri arrauna gustatzen zait...

(aita/ama): Mikel, hainbeste entrenamendurekin, gutxi ikasi duzu eta azterketetan nota txarrak atera dituzu. Asteburu danak okupatuak izan dituzu, igandero oso goiz esnatu behar izan dugu. Estropada hartan egin zuen hotzagatik, ia bi astez egon gara danak etxean gripeak jota.

(arraunlaria): Baina...

(aita/ama): Bihar joango naiz entrenatzailearekin hitz egitea, eta lasai... datorren urtean, ikusiko dugu hasiko zaren edo ez!

 

zine zuzendaririk balego, hemen du gidoi baterako bidea. Ojala, Oscarretako zientzia fikzioko sailean estatuillarik lortuko balu...

(ojala, zientzia fikzioa balitz...)

]]> 2010-03-13T10:29:57+01:00 2010-03-15T22:47:10+01:00 Unai Elizasu Espainiako LLaut txapelketako kronika! http://estropa.net/Members/unaielizasu/unai-elizasuren-bloga/archive/2009/10/05/espainiako-llaut-txapelketako-kronika <p>San Carles de rapitako uretatik, zapore gozoa dator euskal herrira!! Orioko gazteak Txapeldunak eta Tolosako seniorrak bigarren postuan Final B delakoan... baina...</p> Larunbata goizean hasi zen dena.

Goizeko 10etan zuten Tolosako beteranoak bere lehen sailkapen estropada. Adin media kontutan hartuta, Tolosarrak ziren gazteenak eta tanda irabazteaz gain segundu kopuru eder bat atera beharra zuten final erdietara sailkatu ahal izateko. 700 metroko estropada zuten baina ezin izan ziren sailkatu.

11.30etan Orioko gazteen txanda izan zen. Ez zuten arazorik izan eta beste gazte mailako ontziei lehen abisua eman zieten! Errez, oso errez irabazi zuten tanda!!

13.00etan Tolosako seniorren ordua izan zen. Lehen ziabogara aurrena iritsi ziren arren, bertatik irten bezain pronto, lema bere lekutik irten zitzaien. Norabidea galdu eta ziabogetan une txarrak pasa zituzten, lema hausteko arrisku handia... hala ere, Alicantekoak parean jarri arren, eta ziabogetan denbora gehiego galdu arren, segundu bateko tartea atera ahal izan zuten bukaeran. Igande goizeko final erdietarako sailkatuak beraz Orioko gazteek bezalaxe.

Larunbata arratsaldean baina, Tolosako beteranoak errepeskarekin zuten zita. eta goizeko arazo beretxuak izan zituzten arratsaldean ere. Lema ezin ondo gobernatu eta adin mediak handicap delakoan zuten galera kontuan izanda, estropada ona egin arren, final erdietarako ezin izan zuten sailkatu. Larunbata gauean baina, penak itotzeko aukera ez zuten galdu izan behintzat!

Igandean goizeko 10.15enetan Tolosako seniorrek final erdia zuten. Eta ezin izan zuten, gerora txapeldunorde eta hirugarren izango ziren ontzien aurrean ezer egin. Hirugarren sailkatu ziren eta Final B-a jokatu besterik ez zitzaien geratu!

12.00etan izan zen Final B-a Tolosako seniorrentzat. Alicanteko unibertsitatea, Malaga eta Cabrils izan zituzten arerio. Malagakoak 6.22ko denboraz irabazi zuten eta Tolosarrak 6.24koarekin eta bigarren postuarekin gustora bukatu zuten. Penaz, emaitza hobea ezin izan zutelako lortu baina gustora.

13.00ak aldera, Orioko gazteen finala izan zen. Alicantekoak ziren arerio nagusienak... baina lehen paladatik Oriotarren nagusitasuna garbi ikusi zen eta errex, oso errex irabazi zuten, 6.23ko denbora eginaz!

nabari da hala ere, mediterraneoko ontzien gorakada txapelketa honetan. Senior mailako irabazleak, Espainiak selekzioko arraunlari ezagunez zegoen osatua, Copa de Juventudes eta Mundialetan ibilitako arraunlariak, aulki mugikorrean oso onak diren jendea. Hala ere, teknikoki euskal arraunkeratik pare bat koska beherago daude. Gurean oso ohikoak diren estrapuak, gorputz keinu, jarrerak oraindik ez dituzte oso barneratuak! Indar aldetik indartsuak izanik ere, teknikoki urruti zeunden eta hori oso garbi geratu zen euskal ordezkarien papera ikusirik. Bi astez bakarrik erabili izan dute ontzia eta maila oso txukuna eman dute.

Esperientzi oso interesgarria euskal espediziorako (nahiz eta, aurreko artikulu batean adierazi bezela, zenbait arazo eta ume pataleta izan Kulerako eta euskal ordezkarien arteko harremana dela medio, bertako zenbait talde eta batipat, espainiar federazioko kideren baten partetik.)(horien berri ez idaztea hobe dela deliberatu dut, arrauna horren guztiaren gainetik egon behar duela iritzi baitiot eta dakarkigun zapore onak denek gainetik mantendu nahiko genduke)

Euskal arraunarentzako eta arraunlarientzako, esperientzia eta urtetik urtera, balio gehiago izango duen txapelketa bat dago mediterraneko uretan!

Zorionak Tolosako eta Orioko arraunlariei !

]]> 2009-10-05T16:29:09+02:00 2009-10-12T18:43:15+02:00 Unai Elizasu Espainiako LLaut txapelketan euskal arraunlariak http://estropa.net/Members/unaielizasu/unai-elizasuren-bloga/archive/2009/09/29/espainiako-llaut-txapelketan-euskal-arraunlariak <p>Orioko eta Tolosako arraunlariak, urriaren 3 eta 4ko asteburu honetan Tarragonako Sant Carles de la Rápitan jokatuko den Mediterraneoko tostako aulkiko Espainiako txapelketan, Llaut ontzietan, parte hartuko dute!&nbsp;</p> Orioko gazte mutilak eta Tolosako senior eta beterano mutilak izango dira euskal ordezkariak Espainiako txapelketan aste buru honetan. Gironako Kulera taldearekin egindako akordioaren ondorioz, hiru talde osatu eta gogotxu bertaratuko dira.

Aurreko urtean, Orioko senior mutilak izan ziren euskal ordezkariak eta txapelketa bera ere errex xamar irabazi zuten.

Azken asteotan, Pasaiako uretan ari dira entrenatzen (Trintxerpeko istalazioetan) eta gogotxu ari dira Llautarekin. Gironatik, ontzia ekarri zuten aurreko astean eta geroztik ari dira lanean.

Llaut, 8 lagun eta lemazaina duen ontzia da. Anketik dihoana bakarrik joan ohi da eta proakoa ere, eta tartean daudenak binaka, traineruan bezala. Lemaizana, lema bat du eta ez arraun bat patroiek bezela.

Oso ontzi motela da, ez dago abiadurarako sortua... Amilibiak egina den arren, garai bateko haien ontzi tradizionale moldetik sortua da!

Asteburu honetan, sailkapenak, final erdiak eta finalak izango dira eta zorterik onena opa nahi diegu bertatik eta ea, aurreko urteko emaitza berdintzeko kapazak diren

datorren astean izango dituzue bertako emaitzak!

]]> 2009-09-29T14:10:09+02:00 2009-09-29T14:10:09+02:00 Unai Elizasu Egun On Donostiarra http://estropa.net/Members/unaielizasu/unai-elizasuren-bloga/archive/2009/09/01/egun-on-donostiarra <p>Donostiarra ontziak babesle berri bat du: EGUN ON!</p> Gureak taldearen banatzaile proiektuak, Egun On-ek, Donostiako ontzia babestuko du. 1.000 bazkide gehiago lortzea izango dute xede eta irailean zehar arituko dira lanean, "Donostiarra naizelako!" lemaren pean!

Irailean zehar, "Egun On"eko lan taldeak, gorputz eta arima jarriko du proiektuaren alde, Donostiarra taldeak hirian zehar izango dituen leku ezberdinetan.

Donostiarra ontziaren helburuetako bat, bazkidetza bidez, proiektua sendotu, eta Donostiar denak senti eta ilusionatuko diren traineru baten aldeko babesa lortzea da. Hortarako, bidaide berri bat dute: Egun On!

 

]]> 2009-09-01T21:47:31+02:00 2009-09-01T21:47:31+02:00 Unai Elizasu potro kontua ez delako... http://estropa.net/Members/unaielizasu/unai-elizasuren-bloga/archive/2009/08/31/kontxa-emetik <p>Iritsi da urteko arraun denboraldiaren une gorena... gorena eta onena.</p> <p>Lehen bi igandeetan gertatuko danaren inguruan dexente hitz egingo denez, emakumeen estropadan inguruan zeozer idatzi nahiko nuke!</p> <p>Txandatan edo erlojuaren kontra?</p> Tanda bidez edo erlujuaren kontra izan behar du larunbateko estropada?

Hona nire iritzia bata eta bestearen gainean: Tandatan egiten diren estropadak, ikusgarriagoak eta erakargarriagoak direla iruditzen zaizkit. Erlojuzkontra egiten diren estropadak, justuenak dira.

(kontxa justuagoa egin nahiko bagendu, estropada danak, igandeetako barne erlojuaren kontra egin beharko genituzke baina danak etorriko zarete bat nirekin, ikuskizuna eta festa bat ere badela kontxa)

Kotxako larunbata horretan, nesken egunean, zer baina?

Ba nire ustez alperrik ari gara eztabaida antzu hauetan! Oraindik inor ez dut entzun eta akaso ni izan beharko naiz aurrena, baina nik ez dut nahi larunbatean estropadarik!

Nik ostegun honetan ikusi nahi ditut emakumezkoen estropada, igande honetan lehen estropada jokatuko dute eta bigarren igandean finala! Berdintasunaren izenean ari bagara, eskatu dezagun berdintasuna gauza denetan... eta ez, urterik urte, pixkat gehiago eta puska gehiago!

Aurreko urtean 8 traineru besterik ez ziren baina aurten 11a badira, egin dezagula mutilek egiten duten bezala! eta , bi tandatan! Niretzako alperrikako borrokak dira tanda egin edo erlojuzkontrakoa... egizko borroka mutilek egiten duten modu berean egitea da... eta igandean ezin bada, ba larunbatean izan daitezela... baina mutilek egiten dutena egin dezatela!

 

Hala ere, eta nire ustetan, eztabaida ez du izan behar tanda edo erlojuzkontra, eztabaida ez du izan behar mutilek egiten duten gauza bera egin behar dutela neskek!

Eztabaidatu behar dena da, zer da emakumeentzako egokiena? eta behin eztabaidan jarrita, nik ere eztabaidatuko nuke mutilena ere? Ez nabil kontxaz bakarrik, arraunaz orokorrean baizik! Zeren, akaso emakumeena sistemara egokitu beharko lirateke mutilak? Nesken sistemarekin bat ez egoteak ez duelako esan nahi mutilenarekin bat natorrenik!

Alperrik gabiltz, zauriari zein koloretako tirita jarri behar diogun eztabaidatzen bagabiltza... zauriari begiratu behar zaio. Eta zauri horri begira, arraun elkarteak, arraunlariak, komunikabideak, zalegoak, udalak... denak jarri behar dugu begira!

 animo!!

]]> 2009-08-31T14:26:06+02:00 2009-09-02T18:54:06+02:00 Unai Elizasu Komunikabideak http://estropa.net/Members/unaielizasu/unai-elizasuren-bloga/archive/2009/08/20/komunikabideak <p>Gogoeta hau idazten hasi aurretik, komunikabideek arraunari eman eta ematen dioten laguntza eta jarraipena eskertu besterik ezin dut egin. Arrauna ez legoke dagoen lekuan heurengatik ez balitz ere. Hala ere, beti pentsatu izan dut egin daitekeela egiten dena baino gehiago! Eta badakit, gauza asko ez direla egiten diru faltagatik; baina, badakit ere, dena ez dela diru kontua!</p> Egiari zor, estropadak ikusteko modu onena telebista dugu. Ikusteko eta entzuteko telebista eta irratia dugu. Irakurtzeko berriz egunkariak eta web guneak (estropa.net adibidez).

Galiziako azken estropadako telebista retrasmisioa izan da hau idaztea bultzatu nauena. Gabeziak zituztela garbi geratu zen, akatsak bata bestearen atzetik… ondo egin nahia ez diet ukatuko, baina ez zitzaien irten!

 

EiTB-k berriz, urterik urtera, esperientzia lagun, gauzak hobeto egiten ditu. Estropada batzuk telebistatik ikusita gozatu egin izan dut, beste batzutan berriz, ba ez horrenbeste! Nik, ETBren emisioetatik zer botatzen dudan faltan idatziko dut bertan (inor mintzeko intentziorik gabe, borondate on denarekin). Gauza batzuk ezinezkoak dira edo garestiak, baina ez zait iruditzen dena hala denik… eta gainera, sinisten dugun produktua bada arrauna, ez ote da inbertitu behar? (edo akaso ez dugu sinisten…?)

 

Traineru barruan kamara gehiago botatzen ditut faltan eta prespektiba ezberdinak. Proatik, ordezko arraunaren lekutik… betikoa ez den beste lekuren batetik alegia. Arraunlaria akaso kexatuko da, baina ikuskizun bat egiten ari gara eta arraun egitean, fisikoki eragozten ez badio, ez dago kexarako lekurik.

 

Itsasoan ere kamara gehiago botatzen ditut faltan. Betiko katamarantxoan dihoan kamara “earra” da, baina proako eta popako prespektibak botatzen ditut faltan. Proakoak lortzeko, ziaboga inguruan ontzi batean kamara bat jartzea besterik ez da; eta popakoak lortzeko adibidez, uretako moto horietako batean kamara bat gidarian atzean sartzea astakeri handia da?

Arraunlarien aurkezpenak egiten dituztenean ere, telebistaren handian argazki txikiegiak irteten direla iruditzen zait. Postuz postu egite nahi horren ondorioz izan daiteke txikiak irtetearen arrazoia, baina nire ustez postua baino garrantzitsuagoa da arpegia ikustea! Argazkien kalitatea ere exkax xamarra da askoren kasuan (ez da ETBren arazoa hori baina). Akaso, uretaratu aurretik, “control de enbarque” egiten den unea izan liteke nortzuk arraun egingo duten ikusteko une polita.

 

Uretaratzen diren uneko, beroketako, bilduta daudeneko uneak botatzen ditut faltan ere. Badakit, zuzeneko retrasmisio batean hori dena egitea lana eskatzen duela, baina ez ote du pena merezi? Ikusle daudenen iritziak, jendearen apustuak, akaso pertsona ezagunen bat egon liteke estropada ikusten… eta horiek denen iritziak biltzeak estropadari puntu bat gehiago ematen diola uste dut. (kotxan egiten da, TKE ligan zergatik ez?)

Estropada bukatu osteko arraunlarien iritziak ere botatzen ditut faltan. Ez legoke modurik, bandera San Migel ontzi horretan hartzen den unean, patroiaz gain, beste arraunlari bat igotzea kamararen aurrean jarri eta bi hitz egiteko? Patroiak berak egin lezake hori. Kontxan, oker ez banago, kazetaria egoten da traineru ondoan elkarrizketak egiteko… zergatik San Migel ligan ez? Arraunlariak, arraun egiteaz gain kamara aurrean hitz egiten ikasi beharko lukeela iruditzen zait, gustatu edo ez gustatu, egin beharreko gauza bat bezela.

 

Azkenik berriz, komunikabideei mezua edo galdera egin nahiko nieke: Telebistako ikuskizun bat izan dadin estropadak zer beharko luke izan duenaz gain? Gogoan dut, telebistak eskatuta margotu zirela frontoiak berde kolorez. Zer nahiko luke telebistak estropadetatik aldatu dadin? Hiru tanda telebisiboki egokiak dira? Zenbat tanda dira jasangarri? 20 minutuko estropadak baino 10 minutukoak hobeak dira? Hiru ziaboga beharrean 5? Ontzien koloreak, direnak dira baina badira koloreak telebistarako batere egokiak ez direnak…? Galderak dira, gogoetarako galderak… dena zalantzan jartzen dugun unean egingo baitugu gure kirola hobea!

 

Estropada, kirol ikuskizun baten moduan ikusten dut nik. Eta jakin badakit, kirol eta ikuskizuna sarri ez doazela elkarrekin, baina elkarrengandik ahalik eta gertuen egotea izan beharko luke helburu. Nik uste, arraun elkarteek eta TKE ligak, telebistari eskatu beharko diola egiten duena baino gehiago egitea. Eta neurri berean, telebistak TKE ligari, ikuskizunari eta telebista produktu bat egite aldera, gauzak eta erreztasunak eman beharko lizkiokela.

 

Miresmenez eta inor mintzeko intentziorik gabe, gogoetarako textu hau interesgarria egingo zaizuelakoan, segi hobetzen!

 

]]> 2009-08-20T13:21:42+02:00 2009-08-21T00:07:35+02:00 Unai Elizasu Gora ta gora Euzkadi...! http://estropa.net/Members/unaielizasu/unai-elizasuren-bloga/archive/2009/07/27/gora-ta-gora-euzkadi <dl><dd><em>Gora ta Gora Euzkadi</em>&nbsp; <br /><em>aintza ta aintza</em> <br /><em>bere goiko Jaun Onari.</em> </dd><dd><em>Areitz bat Bizkaian da</em> <br /><em>Zar, sendo, zindo</em> <br /><em>bera ta bere lagia lakua</em> </dd><dd><em>Areitz gainean dogu</em> <br /><em>gurutza deuna</em> <br /><em>beti geure goi buru</em> </dd><dd><em>Abestu gora Euzkadi</em> <br /><em>aintza ta aintza</em> <br /><em>bere goiko Jaun Onari</em></dd></dl> Gusta edo ez gusta, hauxe da gure herriaren ereserkia (ereserkietako bat behintzat). Honekin identifikatu beharko genuke denak, eta bere atzean zegoen mezuarekin (egun, mezua deskafeinatu xamarra baita).

Kantu honek mugitu eta paralizatu beharko luke dana. hau entzun eta denak geldi, ikurriñari so eta harro kantatuz!

Baina... kantua jotzen duen horrek ez badu bere orkestran sinisten edo bere orkestra ez badio kantu honi behar besteko pisurik ematen... nola kantatuko dugu harro kantu hau, kantu honetaz harro ez dauden batzuk badira mugitzen dutenak (edo mugitzen uzten diegunak) barilla?

Nik tamalez, ezingo dut nire herriaren txapelketaz gozatu. Nire herriaren txapelketa jokatuko den eguna ez baita nire herriaren jai egun!

 

Beste kantu bat, metafora gisara egokiagoa dela iruditzen zait....

Harro hadi Kantauri itsasoa!!
Ta haien betiko loa betiko kantazan!!
Geroari esaiok olatuetan ....

Ea noiz espabilatzen garen bai!!

 

]]> 2009-07-27T09:09:51+02:00 2009-07-27T09:09:51+02:00 Unai Elizasu Ontzi azkarrena... http://estropa.net/Members/unaielizasu/unai-elizasuren-bloga/archive/2009/07/25/ontzi-azkarrena <p>Aspaldion bueltaka nabilen gai bat da hau (ere). Egungo ligetako sailkatze sistemaren inguruan bi hitz eta gogoeta bat idatzi nahi nuke. Nork irabazi beharko luke liga: traineru azkarrenak edo traineru puntuatuenak?</p> Adibide edo ariketatxo batekin hasi nahi nuke gogoetatxoa:

Lehen estropada: X traineruak Y traineruari 2 segundu sartu dizkio. X traineruak 12 puntu lortu ditu eta Y traineruak 11 puntu.

Bigarren estropada: Y traineruak X traineruari 15 segundu sartu dizkio. Y traineruak 12 puntu eta X traineruak 11 puntu.

Sailkapen orokorrean enpate egongo litzake bi ontzien artean... baina ontzi azkarrena ez al da Y trainerua? Y trainerua ez al da 13 segundu azkarragoa X trainerua baino?

Egungo sistemak ez du azkartasuna neurtzen. Egungo traineruen helburua ez da azkar ibiltzea, baizik eta norbera eta areriorik gertukoenaren artean ea zenbat ontzi sartzeko zortea duten... geroz eta ontzi gehiago sartu X eta Y traineruen artean, orduan eta sailkapenean tarte gehiago izango dute.

Beste adibide bat.

X traineruak 5 segundu sartu dizkio Y traineruari. X eta Y traineruen artean ez badago besterik sailkapen tartea puntu batekoa izango da. Baina, 5 segundu horietan, X eta Y traineruen artean 6 traineru sartuko balira, bien arteko tartea 6 puntukoa da. Alegia, ontziaren azkartasuna neurtu beharrean, beste ontziek lortzen duten postuaren araberakoa da sailkapenean izango duzun lekua.

Adibidez, Y trainerua sailkapen orokorrean bigarren lekuan dago. X trainerutik, sailkapeneko aurrenekotik 6 puntura. Badaki, sailkapeneko aurrenekoa izatea ez dagoela bere esku bakarrik. Ez duela bakarrik irabazi behar Y ontziak sailkapeneko lehena izateko. Ondorengo baldintzak bete behar dira Y ontzia sailkapeneko lehena izateko: Y trainerua X traineruaren aurretik egin behar du estropadatan. X traineruak, berdin du estropada onak edo txarrak egin, azken batean bere emaitzak ez du sailkapenean eragiten, baizik eta bere eta X traineruaren artean sartu litezkeen beste ontziek. Sekula ez dagoela alegia, norbere esku sailkapeneak gora egitea.Batetik norberak irabazi behar du, bestetik arerioak galdu, eta azkenik arerioa eta norbere artean ahalik eta ontzi gehien egotea. Beti beste ontzien emaitzaren zain alegia.

Baina denbora izango balitz sailkatzeko oinarri, eta goiko adibide bera erabiliz, honatx: X trainerua sailkapen orokorrean bigarren lekuan dago. Y trainerutik, sailkapeneko aurrenekotik 20 segundura. Beraz, X traineruak Y trainerua gainditu nahi badu, X eta Y ontzien arteko borroka bat besterik ez dago. X ontziak egin behar duen gauza bakarra, Y traineruari 20 segunduko aldea ateratzea da, eta berdin zaio beste ontziak haien artean sartu edo ez sartu.

(barka textuaren luzeera)

Formula 1-eko sisteman oinarrituakoa da arraunaren sailkatzea. Eta akaso, horixe da galdera, ez al da erakargarriagoa Tourreko sistema Formula 1koa baino? Ez al da motibagarriagoa jakitea 10 segundu besterik ez dituzula jan behar, 5 puntu jan behar dituzula baino? Azken batean, estropada batean izugarrizko denbora egitea berdin du, bigarren lekuan dagoenari 20 segundu atera edo 3 segundu atera gauza bera delako. Baina... gauza bera da?

Gogoeta bat besterik ez da, baina zer iruditzen zaizue?

]]> 2009-07-25T11:43:15+02:00 2009-07-31T14:42:56+02:00 Unai Elizasu Fran Gonzalezek eta Urdaibaik kontratua eten dute http://estropa.net/Members/unaielizasu/unai-elizasuren-bloga/archive/2009/07/17/fran-gonzalezek-eta-urdaibaik-kontratua-eten-dute <p>Iker Zabala arraunlari bermeotarra da entrenatzaile berria.</p> Fran Gonzalez galiziarrak ez du Urdaibai entrenatzen jarraituko. Horrela erabaki zuten herenegun arratsaldean egindako batzarrean. Bermeo Arraun Elkarteko presidente Josu Zabalondok azaldutakoaren arabera, "alde bien artean hartutako erabakia izan da, adostasunez hartutakoa". Iker Zabala (Bermeo, Bizkaia) da entrenatzaile berria.

Denboraldi hasierako emaitzak «"ez dira batere onak izan" eta elkarteak uste du zerbait egin behar zuela denboraldiari buelta emateko asmoz. "Toki guztietan gertatzen diren gauzak dira ez gurean bakarrik", dio Zabalondok. Gauzak "txarto" joanez gero, "zenbat eta arinago eten hobeto", azaldu du elkarteko presidenteak.

Iker Zabalak, entrenatzaile lanak egiteaz gain, arraunean jarraituko duela azaldu du Zabalondok. Herenegun hasi zen hura taldea entrenatzen. Lehenengo egunetan Patxi Bilbao Urdaibaiko entrenatzaile ohiaren laguntza izango du.

Gonzalezekin kontaktuan jarri baino lehen Zabalarengan pentsatu zuten entrenatzaile lanak egiteko. Hala ere, orduan ezezkoa eman zuen. Orain, egoera ikusita, baietz esan du.

Bermeo Arraun Elkarteko presidenteak eskerrak eman gura dizkio Fran Gonzalezeri egindako lanagatik. "Entrenatzaile ona da baina askotan gauzak ez dira behar bezala irteten".

iturria: www.bustirialdekohitza.info

]]> 2009-07-17T18:46:35+02:00 2009-07-17T18:59:55+02:00 Unai Elizasu Revillaren Antxuak http://estropa.net/Members/unaielizasu/unai-elizasuren-bloga/archive/2009/07/12/revillaren-antxuak-1 <p>Perzebe, almeja, mejilloi ... mariskeden herrian Antxua nagusi. Kastroko antxua.</p> Antxuak badu gorri kolore bat... eta TKE ligako merkatuan antxoa izan da nagusi Galizian, mariskuaren herrian.

Gogoan dut, nola bere garaian arrantzaleak izaten ziren traineruetan arraunean aritzen ari zirenak. Itsasoan egindako gizonak, ondutako gizonak. Orain ere itsasoan egindako gizonak dira traineruetan dabiltzanak. Baina ez sare, kainabera, amua... ez ez... pesak, ergometroak eta kilometroak. Ez dago misteriorik! Arraunlari danak dira itsasoan egindakoak, denak dira antxoak... azal ta hezur, grasarik ez eta dena aprobetxatzeko modukoa.

Eskerrak, egizko antxoarekin egiten ari diren bezela ez dela arraunerekin egin behar. Ez dela atseden biologikorik egin behar antxoa gehiago izan dadin, nahiz eta antxoa askorik dagoenik ezin esan. TKE ligak ere, duen indar hori baliatuko balu antxoa gazteak indartzeko txarra ez.

Galiziako asteburu honetako estropadak bukatu dira. Eta telebistatik, etxeko sofako barandilatik, ez da kale arteko diferentzia handirik sumatu. Garai batean Galiziara joatea Portugaleteko estropada jokatzea bezela zen, zorte kontua zen, kale eta korronteak direla eta. Baina asteburu honetan ez dut halakorik sumatu. Edo korronteak desagertu dira edo eremuak egokiagoak bilatu dira. Oraindik ere, galiziako eremuekin ezin garela fido esaterik bada?

Kastroko Antxoa galizian txapeldun. Ea Bisigua, Berdela, Atuna, ... ea nolako menua datorkigun datozen asteburuetan! On egin!

]]> 2009-07-12T13:37:23+02:00 2009-07-12T13:37:23+02:00 Unai Elizasu zaharra zara bilbo! http://estropa.net/Members/unaielizasu/unai-elizasuren-bloga/archive/2009/07/11/zaharra-zara-bilbo <p>Gari kantariaren kantu ederra baliatuko dut, berandu bada ere, aurreko asteburuan gertatutakoa idazteko; kantuaren erreferantziak erabiliz, barandilatik ikusitakoari nota batzuk petagraman jarriz!</p> Bilboko estropada erlojuz kontrako eta bilboko zubi handienaren azpian korronteen kontrako estropada. Dena kontra!

Kantuarekin bezala, mozkortzen nauen estropada bat da nahiz eta ezin dudan edan!

Bai bata eta bai bestea, egun diren estropadarik gertuenak dira publikoarentzako, gertutasun aldetik behintzat. Udaletxe pareko barandilatik, arraunlariak nola estutzen dituzten hortzak ikus genezake. Portugaleteko zubi handiaren ondoan jarrita, ontzi guztien tentsioaz kutsatu liteke bat, errekan usaiaz baino gehiago!

Gertutasun hori oso gutxitan ematen da gure kirolean, itsasoko kirola izaki ezinezkoa da arrauna gertutik sentitu. Telebistari esker, gertuago ikusteko aukera ezin hobea da. Tamalez, ikusi besterik ezin da telebistaz egin, eta sentitu... norbere sentitzeko gaitasunaren esku dago.

Bestetik, mozkortzeko moduko estropada izanik ere, estropada bezela ezin da edan. Erlojuzkontrako estropada bat, gaur egungo liga handi batean, dudak ditut ba ote duen lekurik. Egia da, bestelako kirol batzuetan erlojuzkontrakoak askotan interesgarriagoak direla lineakoak baino (Tourra kasu). Baina gurean, saiatu arren, ez diet erakargarritasun puntu handirik sumatzen. Bertan egonda erakargarritasun gutxi du eta telebistaz, ziurrenik lortu litekeela gehiago baina dena ez dago ETBren esku. Nahikoa egiten dute eta!

Portugaleteko estropadan berriz, "Berri Txarrak" taldearen kantu batekin oroitzen naiz beti: Betiko leloaren betiko leloa! Estropada eremu gisara, interesgarria da publikoarentzako baina arraun elkarteek gehiegi jokatzen dute kale bat edo beste tokatu. Eta kirolean, hainbesteko diferentziak izatea jokatu aurretik ez dakit ba egokia den.

Hona hemen, eremu horretarako nire proposamena. Ziaboga bakarreko bi estropada jokatzea. Lehen estropadan lehen kaletik irten dena gero hirugarrenetik irtengo da eta bigarrenetik irten dena laugarrenetik. Eta bi denboren arteko batura egin. Estropada batetik bestera, denbora tarte bat ezarriz. Formula orekatu xamarra izan litekela iruditzen zait. Ikuskizunerako erakargarriagoa izan litekeela iruditzen zait. Hala ere, formulak formula, eta proposamenak proposamen, dagoena hori da eta listo!

Zaharra zara bilbotik... Rianxeira Rianxeira... ea Gaitak ze melodia duen aurten!

]]> 2009-07-11T13:27:40+02:00 2009-07-11T13:27:40+02:00 Unai Elizasu Tolosako Batelak. San Juanak http://estropa.net/Members/unaielizasu/unai-elizasuren-bloga/archive/2009/06/25/tolosako-batelak-san-juanak <p>Ekainaren 21ean izan ziren sailkapen estropadak eta, ekainaren 24ean, San Juan egunez finalak.</p> <p>&nbsp;</p> Goizeko 11:50. Tolosako erreka bazterrak jendez lepo. Oihuak, animoak, ujuak, adarjotzeak...  ez dut inoiz halako sentsaziorik inongo estropadatan bizi. Bateleko arraunlarion artean hitz egiteko ere oihukatu egin behar izaten zen.

Arrauna bizitzeko beste modu bat zela esan nuen bere garaian web gune honetako beste artikulu batean eta egia da. Festa bat dalako bertan bizitzen dena, nahiz eta lehian geunden batelak festarako gogo gutxi izan.

Azpian dituzue finaleko denborak. Lehiaketa orok behar omen du sailkapen bat, baina estropada hau sailkaezina dela iruditzen zait, berezia, bakarra.

Nahiko lukete kostako zenbait herrik atzo Tolosan bildutako jendea bildu!

 

Mutiletan
1º Berrobi A (04:21:43)
2º Ikatza (04:21:71)
3º Anoeta (04:23:29)
4º Ake Izaskun (04:35:80)
5º 66-K2 (04:40:40)
6º Aiz Orratz (04:43:48)

Nesketan
1º Ibarra (04:58:70)
2º X-Lan (05:00:04)
3º Ake Izaskun (05:03:11)
4º Cárnicas Ibarra (05:22:70)

]]> 2009-06-25T14:35:53+02:00 2009-06-25T14:35:53+02:00 Unai Elizasu esker txarrekoa... http://estropa.net/Members/unaielizasu/unai-elizasuren-bloga/archive/2009/06/04/esker-txarrekoa <p>Barandila da itsasoari begiratzeko leku onena. Bertatik ikusten baita, arraunlarien esfortzua, traineruak nola uretaratzen diren, beroketa saioak, garaipenak, penak... bertatik ikusten, aztertzen, sumatzen, bizitzen ... da arrauna bere onenean.</p> Barandilatik kanpo hala ere bada arraunik. Eta egiari zor, barandilatik ikusi ezin litekeen horri esker arrauna dago, dagoen lekuan. Ixilpeko lan, ezkutuko lan, borondatezko eta borondatetxua!

Horien artean, eta beste askoren artean, estrapugileena da. Arraunlari bakoitzak egiten du gehienean berea baina badira, ilusioz beterik lan hau egiten dutenak ere.

Estropua, metafora ederra ez al du bere hortan? Neurri ezberdinetakoak, batzutan estu, bestetan lasai, batzutan txarrak bestetan onak, nailonezkoak, gailazkoak, mixtoak... baina denek dute forma beretxua.. eta denek dute funtzio bera. Egiten den indarra ondo kanalizatzea du xede estrapuak. Elkarri helduta, elkarrekin... bistakoa agerikoa izan dadin, ezkutuan eta ixilean egindako lana. Zer litzake arraunlaria estrapurik gabe? heldu lekurik gabe? Horren maitea izan ez arren, beharrezkoa duguna (eta maitatu ez bada, zaindu beharrekoa behintzat bai)

Beraz, gaurko nire textutxo hau... estrapugileei, eta bereziki, ezkutuko lanean dabiltzan danoi. Denak zaretelako estrapu, beharrezko.  Nahiz eta sarri estuegiak izan, gogorregiak, finak, sentsibilitate gutxikoak... danak zarete estrapu eta ziur naiz, denak izan nahi duzuela, estrapu on, arraunlariak zaindu eta maiteko duten estrapu hori!

]]> 2009-06-04T15:51:25+02:00 2009-06-10T22:39:14+02:00 Unai Elizasu