Dokumentu Akzioak
Castro berriz ere garaile Pedreñan
Castro izan da garaile tentsioa nabarmendu den 7. jardunaldi honetan. Pedreñako uretan jokatu den estropadan, Castroko ontziak lidertza sendotzeaz gain, beste txandetan nabarmendu ez den nagusitasuna erakutsi du ohorezko txandan. San Pedro izan da txandan gertuen izan duen ontzia, azken hau Hondarribia eta Pedreñari gailenduz. Hona hemen Marina de Cudeyo Banderaren emaitzak.
Hala eta guztiz, Orio izan da jardunaldiko sorpresa. Txanda osoan, segundo bakar bateko ezberdintasuna izan baitu Orioko ontziak Urdaibai eta Kaikurekiko, Zarautz atzean utziz.
Gauzak horrela, sailkapen nagusian aldaketak izan dira. Castro, San Pedro eta Hondarribiak lehenengo hiru postuak mantendu eta sendotu badituzte ere, hurrengo hiru postuak berdinketa hirukoitzaz geratu baitira. Orio, Pedreña eta Urdaibai 56 punturekin aurkitzen dira hurrenez hurren. Beraz, bihar Plentzian jokatuko den estropadan, Castrok, San Pedrok, Hondarribiak eta Oriok osatuko dute ohoreko txanda. Sailkapen nagusian postuak bermatzeko eta aldatzeko intentzioz irtengo dira biharko estropadan ontzi guztiak 12:00etatik aurrera.
Eusko trenbideak ligaren barnean, pronostiko guztiek ziotena bete da.
Galiziaren irteera korapilatsua izan baldin bada ere, hasieratik
nabarmendu den garaipena lortu baitute. Gipuzkoa izan da bigarren
luzean bizkaitarrei aurrea hartu dien taldea, Katalunia hasieratik
atzean geratu den bitartean. Beraz, sailkapenean ere ez da aldaketarik izan.
