Dokumentu Akzioak
Galizia indartsu asteburuan
Galizia izan da asteburuan zehar, bai Pedreñan eta baita Plentzian ere Euskotren ligako nagusi. Atzoko estropadako irteeran nahiz eta atzera geratu, lehenengo ziabogarako lehenengo postuari heldu zioten Galiziarrek. Heldu eta ezin askatu, izan ere estropada guztian zehar mantendu eta sendotu baitzuten beraien lehenengo postua. Gipuzkoa izan zen (atzokoan Hondarribitarrek jokatu zuten Gipuzkoaren izenean) gertutik jarraitu zion taldea, nahiz eta hiru ontzien diferentziarekin. Lehenengo luzean Bizkaitarrek bigarren postua mantentzea lortu bazuten ere Gipuzkoarrekiko zazpi segundo atereaz, Gipuzkoarrek itzulerako luzean hauei gailentzea lortu zuten, bigarren postu duin bat eskuratuz. Hemen emakumeen ligako Pedreñako emaitzak, eta hona Plentzian jokatutako Euskotren estropadako emaitzak.
Plentzian jokatu den 4.jardunaldian ere, pronostiko guztiek ziotena bete da, Galiziak irabazi baitu, Gipuzkoa, Bizkaia eta Kataluniaren aurretik jarriaz. Hasera-haseratik estropada haustera joan dira. Nahiz eta une batzuetan gertutik jarraitu dion Gipuzkoak Galiziarrei gainjartzeko saiakera egin, ezin izan dute eta azken hauek bigarren postuarekin konformatu behar izan dute.
Beraz, sailkapenean ez da inolako aldaketarik izan postuei dagokienez. Galiziak darrai lehenengo postuan 15 puntuekin, Gipuzkoak bigarren postuan kokatua dagoenak 12 puntu dituelarik. Atzerago daude Bizkaia eta Katalunia 9 eta 4 puntuekin.
