Dokumentu Akzioak
Astillero garaiezin asteburuko estropadetan
Astillero izan da asteburuan jaun eta jabe KAE-1 ligari dagozkien estropadetan. Larunbatean burutu zen Lekeition XXIV El Correo ikurrina-BBK sari nagusia, eta bertan nagusitasun handiz eta bigarrengo postuan kokatu zen Pasai Donibaneri 19 segundo atereaz, garaipena etxera eramateko aukera izan zuten. Igandean jokatu zen estropadan ere, euren nagusitasun eta indarra erakutsiz lehenengo postuari heldu zioten, berriz ere Pasai Donibane atzean utziz. Hemen KAE-1ari dagozkien asteburuko emaitzak: Pasaiako XXV ikurriña eta XXIV El Correo ikurriña-BBK sari nagusia.
KAE-1 ligari dagokion larunbateko estropadan nabarmena izan zen bigarren txandatik hirugarren txanda bitartean egon zen eguraldi aldaketa, beraz, eguraldiak erabat baldintzatu zuen hirugarren txanda. Gauzak horrela, Oriok eta Donostiarrak, podiumeko postuetan kokatzea lortu zuten Pasai Donibaneren atzetik. Isuntzak konformatu behar izan zuen bosgarren postuarekin, Donostiarrarekiko 6 segundo atzerago geratu baitzen.
Pasaian jokatutako estropadan ere Astillero nagusitu da erraztasunez, bigarren sailkatutako Pasai Donibane ontziari 9 segundo atereaz. Asteburuan Oriok izan duen gorakada ere nabarmena izan da, Santurtziren beherakadarekin batera. Hori dela eta, sailkapen nagusian 2 puntuko aldea besterik ez dute laugarren postuan kokatzen diren Santurtziarrek Oriorekiko.
