Dokumentu Akzioak
Larunbatean, liderraren etxean
Larunbatean jokatuko da Castron, liderraren etxean, TKE-San Miguel ligako 15. jardunaldia. Azken orduko aldaketak direla eta 16:30etan emango zaio hasiera Castroko XI. Flaviobriga banderari. Lehia estua izango da, Castrok etxean irabazi nahiko baitu, baina gainontzeko taldeek ere maila bikaina eman nahiko dute Kontxako sailkapenaren atarian.
Aurreko asteburuan bezala, ezustekoak egon daitezke Castron jokatuko den XI. Flaviobriga banderan. Etxeko gorriek, bertan irabazi nahiko dute, etxeko zaletuen aurrean, baina San Pedro, Hondarribia, Orio eta Pedreña ere gertutik ikusi beharko ditu Castrok. Orio izan zen Hondarribiako estropadan sorpresa eman zuen taldea, eta oraingoan ere edonork eman dezake sustoa.
Sailkapenari dagokionez, Castrok darrai lidergoan diferentzia
handiarekin. San Pedrok bigarren postuan amaitzeko hirugarren sailkatua den Oriorekiko diferentzia handia
baldin badu ere, Hondarribian gertatutakoarekin
arriskuan egon liteke San Pedroren bigarren postua, atzetik datozen oriotarrak
eta hondarribiarrak esperoan egon baitaitezke.
Ea zer gertatzen den Castroko XI. Flaviobriga banderan. Arratsaldeko
16:30etatik aurrera 15. jardunaldia egongo da jokoan Castroko uretan.
