Dokumentu Akzioak
Getaria-Tolosak eta Zumaiak bihar emakumezkoen Kontxako estropada jokatuko dute
Getaria-Tolosak, Zumaiak, Astillerok eta Galiziak jokatuko dute bihar 11:00etan emakumezkoen Kontxako II.estropada. Euskotren ligan zehar Galiziarrak nagusi izan badira ere, Zarautzen jokatu zen azken estropadan Getaria-Tolosarrek Galizarrei irabazteko gai direla erakutsi zuten. Gaurkoan 40 ehuneneko gehiago behar izan du Getaria-Tolosak, baina biharko ikusi ahal izango dugun lehia sekulakoa izan daiteke. Astillero eta Zumaiaren arteko diferentzia ere oso txikia izan da. Nork lortuko ote du emakumezkoen Kontxako bandera?
3 txandetan jokatu den sailkapen estropada izan da gaurkoa. 18:00etan hasi da sailkatze proba, Kontxako estropadek izan ohi duten puntualitatearekin. Lehenengo txandan Badalona, Ur-kirolak eta Bizkaia irten dira nor baino nor. Diferentziak oso handiak izan dira. Bizkaiak lortu du azkarren helmugaratzea nahiz eta estropadako denborarik onena lortu duen Galizarrekiko 18 segundora egin.
Bigarren txandan, Getaria-Tolosako neskek lortu dute txanda irabaztea. Zumaiarrak ez dituzte oso urruti izan, eta estropada polita eginda biharko estropadarako sailkatzea lortu dute bi gipuzkoarrek. Mecos eta Kataluniarrek ezin izan dute biharko txartelik lortu.
Hirugarren txandan irten dira Hondarribia, Astillero, Galizia eta Ferrol. Haseratik lortu dute burua Galiziarrek, nahiz eta bigarren luzean Astillerokoak asko hurreratu zaizkieten. Galiziak txanda eta estropada irabaztea lortu du, Getaria-Tolosak baina 40 ehuneneko azkarrago egin baitu. Astilleroko neskek 3. denborarik onena egin dute eta biharko estropadan izango ditugu. Hondarribiarrek aldiz ezin izan dute lortu eta bosgarren postuan sailkatu dira. Galizia eta Getaria-Tolosa dira faborito nagusi. Biak datoz bandera gosez. Nork irabaziko ote du?
