Dokumentu Akzioak
Pasai Donibane eta Astillero gorengo mailan
Hurrengo urtean, Pasai Donibanek eta Astillerok, Kantauriko traineru onenekin jokatuko dute, TKE-San Miguel ligan hain zuzen ere. Hala erabaki da gaur Portugaleteko uretan. Bertan gauzak uste baino estuago izan dira. Meirak sekulako estropada egin badu ere, atzo Koxtaperekiko galdutako 20 segundoak ezin izan ditu berreskuratu. Gainera, Astillerok irabazi duenez, Pasai Donibanek puntuetan sailkatzea lortu du. Zorionak beraz, Pasai Donibaneri eta Sanjuandar guztiei! Hona, Portugaleteko El Corte Ingléseko Play off-etako emaitzak.
Astillerok eta Pasai Donibanek jokatuko dute hurrengo urtean TKE ligan. Astillerok lortu du azkarren helmugaratzea, Meira baino bi segundo lehenago hain zuzen. Estropada guztiaz zehar Astillero izan da azkarrena, baina ez diferentzia handiaz, segundo bakarraz baizik. Pasai Donibanek estropada motela egin du gaurkoan, baina Astillerok irabazita eta atzo lortutako ehunenekoak alde, zuzenean sartu da 2010. urteko San Miguel ligan. Hurrengo denboraldian beraz, Astillero eta Pasai Donibane onenen artean ikusiko ditugu.
