Dokumentu Akzioak
Gutxi batzuk izan dira aurten garaile
Traineruetako ligak amaitu dira eta asteburu honetan ez da estropadarik izango. Garai ona izan daiteke beraz kontuak egiteko eta aurtengo estropada garaileak nortzuk izan diren zenbatzeko. TKE ligari dagokionez, Castro izan dugu jaun eta jabe 13 garaipenekin, San Pedrok bi bandera irabazi ditu eta Oriok eta Pedreñak bandera bana eskuratu dute. Azterketa honetan ezingo dugu Kaiku kanpoan utzi, Kontxa eta 3 txapelketa irabazi ostean, aurtengo garaile handietako bat izan baita. KAE-1 ligari dagokionez, Astillero izan da nagusi 12 garaipenekin, Koxtapek bi bandera lortu ditu eta Santurtzik bandera bat. Honela bada, Astillero eta Koxtape TKE ligara igoko dira, Arkote eta Meiraren kalte. KAE-2 ligari dagokionez, Deustuk 8 bandera eskuratu ditu, Getxok 3 bandera, eta Trintxerpek eta Santoñak bina garaipen lortu dituzte. Deustu, Trintxerpe eta Getxo KAE-1 ligara igoko dira, Ondarru eta Portugaleteren Kalte.
