Dokumentu Akzioak
Getxo garaile Lemoizko II. Ikurriñean
Aurreko larunbatean, Armintzan ospatutako beteranoen estropadan, Getxo izan zen garaile. Zazpigarren estropada puntuagarria izan zen, 2.800 metroko luzerako eremu batean ospatu zen. Lau luze eta hiru ziaboga burutu behar izan zituzten arraunlariek. Itsasoaren egoera ezinhobea izan zen, nahiz eta azken txandan haizea zertxobait altxatu.
Aurreneko txandan, Sestao eta Endaika aritu ziren nor baino nor. Bigarrenean, Lutxana-Deustu eta Ibaialde. Eta hirugarrenean, faboritoak, Getxo eta Arkote. Getxok 4 segundoko aldea atera zion Arkoteri. Horrela Getxoko taldea sailkapenaren buruan jarraitzen du. Estropada honen ondoren, sailkapena horrela geratzen da:
1-Getxo:40 puntu
2-Arkote: 36 puntu
3-Lutxana-Deustu: 27 puntu
4-Ibaialde:19 puntu
5-Sestao: 16 puntu
6-Endaika:9 puntu
Hurrengo estropada Baionan ospatuko da, Urriaren 31ean, goizeko 11:00tan. Azken estropada puntuagarria izango da.
