Ardurako postua dela argi du pasaitarrak, hala ere prest dagoela ziur dago."Ahal den guztia jarri beharra dugu, aurrekontu handia dugu, herri guztia atzean izango da eta badakigu zer dagoen eta zer egin behar dugun" esan du." Gogo osoarekin ekingo diot, taldea ikaragarria da, batez ere arraunlariak duten kalitate eta konpromezuagatik" adierazi du. Fitxaketen inguruan ere hitz egin du. "Bi fitxaketa burutu ditugu, zorionez jendea jarraitzekotan egon da, bi arraunlarik utzi dute eta beste bi etorri dira, konfiantza osoa dugu gazteek eman duten mailakin eta elkarrekin berriro goi mailan egoteko helburu argia dugu" azpimarratu du. Ez du zalantzarik irabazteko taldea dela."Argi daukat irabazteko taldea dudala, ez gu bakarrik, Kaiku, Uradaibai, Astillero edo Orion ere beti irabaztea eskatzen da eta gu talde horretan gaude eta irabazten ez bada ondorioak egon daitezke eta erantzunak eskatuko dizkidatela badakit" adierazi du. Barrutik arrauna asko aldatu dela ohartarazi du."Arraunlarien jarrera berdina da baina prestakuntza aldetik medikua, nutrizionistak sartzen ari dira eta nahiko produktu polita gauzatzen ari gara saltzeko eta denen artean begiratu beharra dugu gazteen sarrera nola burutu arrauna zaintzeko" komentatu du.