Dokumentu Akzioak
Kirol Harria eta Herria jaialdia
Igandean, Kirol Haerria jaialdia ospatuko da Donostiako Anoeta Belodromoan. 18:00etan emango zaie hasiera ekitaldiari. Euskal kirolariak biduko dituen egitura sortzeko abiapuntua izatea nahi dute. Sarrera doan izango da. Harri-jasotzeak, eskaladak eta arraunak izango dute protagonismo gehiena. Dena ez da kirola izango, ordea. Euskal Herriko Bertsolari Txapelketako zortzi finalistek abestuko dute, eta Oreka TXren txalaparta doinuek hainbat probatan lagunduko dituzte kirolariak. Ekitaldiak hiru helburu nagusi izango ditu: Euskal Herria aintzat hartzea, nazioartean euskal herritar gisa lehiatu ahal izatea eta zazpi lurraldeetako kirolariak bilduko dituen egitura sortzea. Egitaraua hauxe izango da:
·Harri-jasotzea: Koldobika Jauregi eskultoreak ekitaldirako prestatutako harria altxatuko dute.
·Arrauna: Ergometroko lehia eginen dute.
·Eskalada: Irati Andak eta Gorka Karapetok belodromoko egitura eskalatuko dute.
·Xakea: Buruz buruko lehiak egonen dira ikusgai; horretaz gain, aldi bereko partidak eginen dituzte ekitaldiak irauten duen bitartean.
·Bertsolariak: BECeko finalistek abestuko dute.
·Erakustaldiak: Kick boxinga, triala...
