Dokumentu Akzioak
Josetxo Arrizabalaga eta Pedro Manzisidor, Hibaikan laguntzaile lanetan
Josetxo Arrizabalaga eta Pedro Manzisidor, arraunlari ohiak, Hibaika Arraun Elkartean hasi dira laguntzaile bezala. Pasai Donibanen ibilitakoak dira biak. Josetxo Arrizabalaga, Donibaneko prestatzailea izan zen. Arrosekin Kontxako bandera lortu zuen 1995ean. Alex Orena, Hibaikako prestatzaileak, Tostartean saioan eginiko adierazpenetan jakinarazi zuen laguntzaile bezala daudela Oreretan. Josetxok gainera hainbat eskaintza izan ditu azken urteotan baina talde apalago batean jarduteak erakarri dio. Pedro Manzisidor ere hainbat urte egin ditu arraunlari moduan.
Nahiz eta diru gutxi egon, bi arraunlari ohien esperientziaz baliatuko da Hibaika. Alex Orenaren ustetan," irabaztea ohituta dauden arruanlari ohiak dira eta irabazteko badakite zer egin behar den eta nola eraman behar den taldea". KAE 2 Ligan dago Oreretako taldea eta goiko postuetan egoteko ahaleginak egiten ari dira. 20 arraunlarik osatzen dute taldea gaur egun. Josetxo Arrizabalaga eta Pedro Manzisidorren laguntza baliagarria izatea eta etekina lortzea espero dute klubean.
