Dokumentu Akzioak
Bizkaiko Kirol Prentsa Elkarteak, Kaiku sarituko du
Bizkaiko Kirol Prentsa Elkarteak urtero egiten duen kirol galan, Kaiku Arraun Elkartea sarituko du. Bertan, 2009ko Bizkaiko kirolari onena aukeratuko dute. Urte amaiera honetan hainbat sari jasotzen ari da sestaoko taldea. Bizkaiako Txapelketa, Euskadikoa, Espainiakoa eta Kontxako bandera eskuratu dituzte Jose Luis Kortaren mutilek. Sekulako denboraldia gauzatu dute eta kirolaren inguruan informatzen dutenen eskutik merezitako saria jasoko dute. Talde hauek izango dira sarituak:
Gernika Rugby Taldea; Juanjo Moreno, Tabirakoren alma materra; Victor Hugo Garrido, txirrindulari paralinpikoa; Borja Etchart, golf jokalaria; Pedro Huidobro epailea; Ernesto Valverde; Iker Munian eta Akaba Bera Bera eskubaloi taldeko Zulai Agirre eta Matxalen Ziarsolo jokalariak. Bilbon egingo duten ekitaldian ere Joseba Etxeberria, Athleticeko jokalaria sarituko dute burututako ibilbidearengatik.
