Ekainean, Mutrikuko estropadan, aurreneko aldiz, arraunlari onenekin jardun zen sestaoko taldea. Nahiz eta entrenamendu gutxi burutu, bandera irabaztea lortu zuten. Korta ere harrituta geratu zen, ez zuen espero horrelako maila erakutsiko zuenik traineruak. Mutrikun atera zuen talde berdinarekin Bizkaiko Txapelketa eskuratu zuen Kaikuk. Gerora, Hondarribian, Euskadiko Txapelketa irabazi zuten sekulako estropada burutu ostean. Espainiako Txapelketan, azkeneko luzean Pedreña gainditzea lortu zuten. Baina Kontxan, bai sailkapen estropadan, eta baita bi jardunaldietan eginiko estropadek txapela kentzekoak izan ziren. Arraunzale guztion iragarpeneta bandera eskuratzeko zegoen Kaiku, baina erakutsi zuen maila eta atera zituen aldeak denei ahoa zabalik utzi ziguten. Lehenengo jardunaldian 19:12ko debora egin zuten. Kortaren iritziz, eguraldia eta itsasoa lagun izan da, 2006an Castrorekin lortutako errekorra hautsiko zutela ziur dago.

Arraunaren historian, tripulazio eta talde bikainak egon dira. Korta berak, zuzentzen zuen Lasarte-Michelin taldea horren adibide. 80.hamarkadaren hasieran Kaikurekin izandako trainerua, Kontxako banderak lortuaz. Zumaiak, 80.hamarkadaren erdialdean ere sekulako taldea izan zuen, bandera eta estropada dezente eskuratu zituen garai horretan. Gerora Pasai Donibanek izandakoa eta batez ere, 90.hamarkadaren hasieran Libiak izan zuen tripulazioa. 1993an, estropada guztietan gailendu ziren moreak. Santurtziko bandera lortzea falta izan zitzaien Julian Osak gidatzen zuen taldeari. Urte berean, hainbat urtez mantendu den errekorra lortu zuten Kontxan, 19:23:57ko denborarekin. 1996 eta 1997an Oriok izan zuen koadrila ere aipatzekoa izan zen. Altxerri, Urbieta, Orbañanos eta gainontzekoek osatu zuten taldea aparta izan zen. Urte batzuk beranduago Kantabriarren ordua iritsi zen, batez ere Astillero eta Castrorekin. 2009an Kaiku izango dugu nagusi. Historiako trainerurik azkarrena esatea gehiegi izango da batzuentzat, besteentzat aldiz, guztiz bidezkoa. Arrauna asko aldatu da. Orain 20 urte arraunlari guztiek lanean zeuden. Entrenatzaileek ere berdin. Orain, berriz, entrenatzaile eta arraunlari gutxi batzuk arraunari dedikatzen diote egun guztia. Gaur egun, materiala asko hobetu da. Traineruak hobeto prestatuta daude. Arraunek ere pisu gutxiagoa dute eta mugitzeko erosoagoak dira. Egurrezkoak edo fibrazkoak izatea aldaketa handia suposatzen du. Jose Luis Kortak agian arrazoia izango dugu zeren eta berak, pertsonalki eraman ditu aipatutako talde indartsuenak baina ez denak. Gaur egun dauden baliabideak aurreko urteetan zeuden baliabideekin alderatzea ez da bidezkoena. Ez dugu inoiz jakingo Kaikuk garai bateko Libia gailentzeko gai izango ote zen aukera berdinekin edo Libia hori Lasarte Michelin irabazteko. Galdera gehiegi erantzun askorentzat.