Dokumentu Akzioak
Xabier Bereziartua Txato:"Goi-mailan jarduteko eta irauteko harrobia landu beharra dago"
Xabier Bereziartua Txato, Castroko arraunlariak argi du goi-mailan aritzeko eta epe luzean maila berdinean mantentzeko ezinbestekoa dela harrobia lantzea. Castro Arraun Elkarteko webguneari eginiko elkarrizketan, kluben eginkizun garrantzitsuena gazteekin lan egitea dela adierazi du. Txatoren ustez epe luzera egonkortasuna emango dio traineruari. "Harrobiaren aldeko apostu garbia burutu behar dute taldeek. Jarraitu behar duten bidea da, traineru lehiakor bat izateko eta kluba handitzen joateko". Castro horren adibide. Zergatik onartu zuen Castroren eskaintza azaldu du Zestoarrak.
"Denboraldia oso nekatuta amaitu nuen eta beste proiektu batean murgildu nahi nuen, zerbait berria. Castrotik deitu zidaten eta ez nuen zalantzarik izan eskaintza onartzeko. Taldea sekulakoa da eta aukera ezinhobea". Aurrreko urtekoa ikusita, uste du Kaiku izango dela aurkaririk nagusiena."Aurreko denboraldiari erreparatuz, Kaiku izango da aurkaririk indartsuena. Urdaibai ere burututako fitxaketekin goian ibiliko da eta Astillero eta Pedreña ere lehian egongo dira eta gero sorpresaren bat". Zumaian, Orion eta Bermeon aritu ondoren Kantabria aldean jardungo da dena emateko prest.
