Dokumentu Akzioak
Urumean ontziak ezin behar bezala ibili
Arraun Lagunak taldeko Pedro Indo arraunlari ohiari elkarrizketa egiten zaio gaur, Diario Vasco egunkarian. Garai bateko eta gaur egungo arraunketaren arteko desberdintasun batzuk aipatzen dira, baina bereziki, garrantzi handiko kontu bat plazaratzen du Pedro Indok: Urumearen nabigagarritasuna. Aspaditik nahiko zabartuta dago Urumea; lokatz ugari metatzen da ibaiaren ondoan eta bazterretan eta ez da hori konpontzeko behar bezalako garbiketarik egiten. Uraren ibilbidea nekezeagoa egiten du eta leku gehienetan asko urritzen du ibaiaren zabalera eta sakonera.
Sakonera eskasak eta ibilgu murritzak guztiz zailtzen ditu ontziak bertatik igarotzeko aukera. Zer esanik ez bosgarren zubi horren obra amaiezinak egoera hori areagotu ondoren. Zer gertatzen da horren ondorioz? Donostiako klubek ezin dutela beren entrenamenduak egin Urumea ibaian, beti egin izan den bezala. Beste hainbat lekuetan ibaien egoera eta itxura txukuntzen ari dira baita kirola egiteko eremuak prestatzeko ere. Donostian aldiz, ibaiaren egoerari ez diote kasurik egiten, kirola gizarteratzeko modurik ez da bultzatzen eta Urumea ibaian arraunlaririk gabe geratzeko arrisku garbia du.
Bronka edo bestela jai daukagu !!
Bestela, jai daukagu !!