Pasaiako badian jokatuko dira TKE Ligako 7 eta 8.jardunaldiak
Bihar eta etzi, Pasaiako uretan jokatuko dira TKE Ligako 7 eta 8.jardunaldiak. Larunbatean Iberdrola Bandera jokatuko da, Pasai Donibanek antolatua. Binaka aterako dira traineruak, hiru txandetan. Txanda bakoitzean lau ontzi irtengo dira, bi itsasoruntz, eta beste biak porturako bidean. Arratsaldeko 17:30etan emango zaio hasiera estropadari. Igandean, leku berean Kofradiaren XVI.Bandera jokatuko da, eguerdiko 12:00etan. Sanpedrotarra Arraun Elkarteak antolatzen du estropada, eta bertan erlojupekoan jardungo dira ontziak. Lau luze eta hiru ziaboga emango behar dituzte taldeek. Orio da liderra 61 punturekin.


