Dokumentu Akzioak
Oriok ez du hutsik egiten
Oriok San Miguel liga lortzeko beste pauso bat eman du gaur Pasaiako uretan. Kofradiaren Ikurriñean gailendu dira oriotarrak, eta lidertza sendotu dute garaipen honekin. Bere aurkari nagusiena, Urdaibai, bigarren postuan sailkatu da eta aldea areagotzea lortu dute sailkapen orokorrean. Gipuzkoarrek ez dute TKE liga inoiz lortu, eta aurten aukera paregabea dute liga eskuratzeko. Oraingoz, ondo bideratua dute. Orio eta Urdaibairen ondoren Tiran iritsi da. Galiziarrak sekulako denboraldia burutzen ari dira, eta gaurkoan ere estropada bikaina egin dute. Laugarren postuan etxeko taldea sailkatu da. San Pedrok ere maila ona ematen ari da ligan, espero zena maila hobeto. Kaikuk ligako estropadarik onena burutu du gaur Pasaian. Bosgarren postuan helmugaratu da Bizkaitarra ontzia. Seinale ona zalnatzarik gabe. Sailkapen orokorrean Orio da liderra 84 punturekin. Hurrengo asteburuan Getxon eta Zumaian izango dute hitzordua traineruek. Emaitzak eta sailkapenak
.
