Dokumentu Akzioak
Ondarroa Arraun Elkartearen batzarra.
Pasa den ostiralean, abenduaren 10ean, ohiko batzar nagusia egin zen Ondarruko kultur etxean, bertan honako jorratu ziren gaietatik KAE 2tik, KAE 1era igotzeko jarri duten helburua azpimarratu daitekeelarik.
- Zuzendaritza berriaren aurkezpena. Honakoak dira zuzendaritza berriko
kideak: Gorka Elordi, presidentea; Josu Elu presidenteordea; Xabi Azkarate,idazkaria; Jose Mari Elordi, diruzaina; eta Aitor Badiola eta Iñigo Larrinaga bokalak.
- Pasa den denboraldiko kontuen onarpena eta denboraldi berriaren aurrekontak onartu ziren.
- Zuzendaritza berriko kide gehienak aurraunlari ohi eta arraunlari aktiboak dira, horrez gain, aurreko zuzendaritza kargutik kanpo egon arren, esku aldaketa prozesuan laguntzen ari dira eta etorkizunean ere elkarteaz laguntzen jarraitzeko asmoa azaldu dute, denen premia izango da.
- Bestetik, kirol proiektuak pasaden denboraldikoaren haritik jarraituko du, hau da, helburua mailaz igotzea da, ARC2-TIK ARC1-era. Horrez gain, oinarri sendo bat eraiki nahi dugu hurrengo urteei begira. Ez da egon fitxaketa berezirik. Hala ere, harrobiko lanari jarraipena emango zaio, maila oneko jubenilak igo baitira maila nagusira. Aurten Antiguako Amaren tostetan, Ondarruko arrantza eskolan ikasten dabilen kataluniar batek arraun egingo duela ere aipatu behar da.
